İngiltərə futbolunun əfsanəsi Pol Qaskoyn bayram günlərində baş verən qəzadan sonra xəstəxanaya yerləşdirildiyini açıqlayıb.
İdman.Biz xəbər verir ki, 58 yaşlı eks-futbolçu altı qabırğasını sındırıb.
“Divara bir şey asırdım və arxaya yıxıldım. Altı qabırğamı sındırdım. Xəstəxanaya getdim və təbii ki, dəhşətli ağrı hiss edirdim. Mənə ağrıkəsici verdilər. Boynumun böyüdüyünü hiss edirdim. Təlaş içində olduğum üçün tez bir zamanda cərrah çağırdım.
Atamı buludlarda gördüm və lap təlaşa düşdüm. 38 əməliyyat keçirmişəm, ona görə də bu, adətən məni narahat etmir, amma bu dəfə dəhşətə gəlmişdim. Qışqırırdım: “Xahiş edirəm cərrah çağırın. Hönkür-hönkür ağlayırdım!”, - deyə talkSPORT Qaskoyndan sitat gətirir.
