Kolumbiya ilə Fransa arasında FİFA U-20 dünya çempionatında üçüncü yer uğrunda oyun başa çatıb.
İdman.Biz bildirir ki, qarşılaşma Cənubi Amerika yığmasının 1:0 hesablı qələbəsi ilə başa çatıb.
Matçın yeganə qolunu ikinci dəqiqədə Portuqaliyanın “ABC” komandasında çıxış edən yarımmüdafiəçi Oskar Perea vurub.
FİFA U-20 dünya çempionatı Çilidə keçirilir. Finalda Argentina və Mərakeşin U-20 komandaları mübarizə aparacaq. Oyun oktyabrın 20-də, Bakı vaxtı ilə saat 3:00-da başlayacaq.
Yarışın hazırkı çempionu 2023-cü ilin finalında İtaliyanı 1:0 hesabı ilə məğlub edən Uruqvay millisidir.
