“Roma”nın və İtaliyanın əfsanəvi kapitanı Françesko Totti keçmiş klubunun “İnter”lə qarşılaşması haqda danışıb.
İdman.Biz bildirir ki, oyun oktyabrın 18-də Romadakı “Olimpiko” stadionunda olacaq.
“Mən dəfələrlə belə matçlarda oynamışam və bunun nə demək olduğunu mükəmməl başa düşürəm, xüsusən də “Roma”nın turnir cədvəlinin zirvəsində olduğu bir vaxtda. Bu, köynək və qalstuk yox, dəbilqə lazım olduğu bir vəziyyətdir. Döyüş olacaq. Bu, adi söz kimi görünə bilər, amma Lautaro Martines və Dibala matçın gedişatını dəyişə bilən oyunçulardır. Ancaq fərqi yarada bilən oyunçunu seçsəydim, Brian Kristanteni seçərdim”, - Totti deyib.
Altı oyundan sonra “Roma” 15 xalla “Napoli” ilə birinci yeri bölüşür. “İnter” 12 xalla 5-ci yerdədir.
