Azərbaycanın stolüstü tennisçisi Onur Quluzadə ustalıq səviyyəsinin artırılması məqsədi ilə daha bir beynəlxalq toplanışda iştirak edəcək.
İdman.biz xəbər verir ki, o, məşqçi Mixail Timofeyevin rəhbərliyi ilə noyabrın 11-dən 26-dək Çinin “Hebei Zhenqdinq Stolüstü Tennis Təlim Bazası”nda hazırlıq prosesi keçəcək.
Millinin üzvü ardınca noyabrın 28-dən dekabrın 3-dək Sankt-Peterburqda keçiriləcək beynəlxalq yarışa qatılacaq.
Qeyd edək ki, qitənin ən istedadlı stolüstü tennisçilərindən sayılan Onur Quluzadə mütəmadi olaraq beynəlxalq təlim-məşq toplanışlarına dəvət alır.
İdman.biz
