Paris-2024 Yay Olimpiya Oyunlarında Azərbaycan millisinin cüdoçusu Hidayət Heydərovun ikinci mərhələdə potensial rəqibi Messud Dris yarışa buraxılmayıb.
İdman.biz xəbər verir ki, buna əlcəzairli idmançının çəki prosesində 73 kq-dan çox olması səbəb olub.
Nəticədə onun qarşılaşmalı olduğu israilli Tohar Bitbul döyüşsüz mərhələ adlayıb və 1/8 finalda Hidayətə rəqib olub.
İsrail Milli Olimpiya Komitəsi isə Drisin hərəkətlərini məqsədyönlü adlandırıb.
Qeyd edək ki, Olimpiadada cüdo üzrə yarışlar saat 12:00-da başlayacaq.
İdman.biz
