Azərbaycan millisinin karateçisi İrina Zaretska (68 kq) İrlandiyada keçirilən Premyer Liqa turnirində finala yüksəlib.
İdman.biz-in məlumatına görə, qrup mərhələsində birinci yeri tutan idmançı 1/4 finalda indoneziyalı Georgiya Zefaniya üzərində qələbə qazanıb - 5:2. Yarımfinalda isə İrina ukraynalı Elina Silemeneyevaya qalib gəlib - 3:1.
Sabahkı finalda Zaretska isveçrəli Yekaterina Quirici ilə qarşılaşacaq.
Dublindəki start bu il Premyer Liqanın son, dördüncü mərhələsidir. Ondan əvvəl Qahirə, Rabat və Fukuokada turnirlər keçirilib.
Nicat Zəkiyev
İdman.biz
