Bolqarıstanın paytaxtı Sofiyada cüdo üzrə dünya çempionatı davam edir.
İdman.biz xəbər verir ki, mundialda fərdi yarışların son günündə Azərbaycan millisinin daha 2 idmançısı tatamiyə çıxıb. Onların hər ikisi yarışı medalsız başa vurub.
Dünya çempionatı
Qızlar
70 kq
Məsumə Məmmədli 1/16 finalda Vanessa Karaffova (Çexiya) ilə üz-üzə gəlib və məğlubiyyətə üzülüb.
Oğlanlar
+90 kq
Sübhan Axundov 1/8 finalda Kaito Tokitaya (Yaponiya) uduzub.
Beləliklə, Azərbaycan millisi fərdi yarışları 2 bürünc medalla bitirib. Komandamızın heyətində Anar Quliyev (50 kq) və Zeyd Ələsgərov (60 kq) bürünc medal qazanıb.
Qeyd edək ki, avqustun 31-də qarışıq komanda yarışı baş tutacaq.
İdman.biz
