Bu gün Misli Premyer Liqasında III turun daha 2 oyunu keçiriləcək.
İdman.biz xəbər verir ki, günə “Zirə” – “Kəpəz” oyunu ilə start veriləcək.
Ev sahiblərinin favorit olduğu dueldə xal itirəcəkləri inandırıcı görünmür.
Ardınca "Araz-Naxçıvan" "Qəbələ"ni qəbul edəcək. Bu görüşdə də birincilərin qalib gələcəyi proqnozlaşdırılır.
Misli Premyer Liqası
III tur
30 avqust (şənbə)
18:00. “Zirə” – “Kəpəz”
Baş hakim: Kamranbəy Rəhimov
Zirə İK stadionu
20:30. “Araz-Naxçıvan” – “Qəbələ”
Baş hakim: Elçin Məsiyev
“Liv Bona Dea Arena”
Qeyd edək ki, ilk oyun günündə "Sumqayıt" "Şamaxı" ilə 1:1 hesablı heç-heçə edib. "Neftçi" isə evdə "Turan Tovuz"a uduzub - 0:1. Tura avqustun 31-də keçiriləcək "Karvan-Yevlax" - "Qarabağ" və "Sabah" - "İmişli" oyunları ilə yekun vurulacaq.
İdman.biz
