Ekvadorun Quayakil şəhərində keçirilən yeniyetmələr arasında dünya çempionatında Azərbaycan təmsilçiləri iki çəki dərəcəsində qüvvələrini sınayacaqlar.
İdman.Biz xəbər verir ki, 81 kq çəki dərəcəsində Ayxan Həsənli 1/32 finalda Kosta-Rika təmsilçisi Alberto Monteslə qarşılaşacaq. Eyni çəkidə Yaqub Məmmədovun 1/16 finaldakı rəqibi qazaxıstanlı Alijan Saylaubekov olacaq.
90 kq çəki dərəcəsində isə Ömər Axundov 1/16 finalda sloveniyalı Val Berqlez Kosla üz-üzə gələcək. Nurəddin Əliyev isə bu mərhələdə İspaniya təmsilçisi Pablo Fernandes Kalero ilə qarşılaşacaq.
Təsnifat mərhələsi bu gün Bakı vaxtı ilə saat 20:00-da başlayacaq. Final bloku isə avqustun 23-də saat 02:00-da start götürəcək.
