Cüdo üzrə 20 yaşadək gənclər arasında Azərbaycan birinciliyinin son günündə komanda yarışları təşkil olunacaq.
İdman.Biz xəbər verir ki, yarış Abşeron Olimpiya İdman Kompleksində keçiriləcək.
Turnirdə oğlanlar arasında 7 klub və idman cəmiyyətini təmsil edən 8 komanda kubok uğrunda mübarizə aparacaq.
Komanda görüşləri -66 kq, -73 kq, -81 kq, -90 kq və +90 kq çəki dərəcələrində baş tutacaq. Təsnifat mərhələsinin görüşlərinə saat 11:00-da start veriləcək.
