Futzal üzrə 2026-cı ildə keçiriləcək Avropa çempionatının püşkatma mərasimin keçiriləcəyi vaxt dəqiqləşib.
İdman.biz xəbər verir ki, ilkin mərhələnin püşkü 2024-cü il yanvarın 25-də keçiriləcək.
Oyunlar aprelin 8-dən 17-dək təşkil olunacaq. Bu mərhələdə uğur qazanacaq millilər mübarizəyə birbaşa əsas mərhələdən başlayacaq komandalara qoşulacaq.
Əsas mərhələnin püşkü isə 2024-cü il iyulun 17-də atılacaq. Bu mərhələdə oyunlar ev-səfər sistemi ilə keçiriləcək. Pley-offun püşkü 2025-ci il 15 may, oyunlar isə 15-24 sentyabr tarixlərdə baş tutacaq.
Qeyd edək ki, final mərhələsi 2026-cı ildə 18 yanvar - 8 fevralda Riqa və Kaunas şəhərlərində təşkil olunacaq.
İdman.biz
