“Milli komandaya yeni oyunçular cəlb etmişəm”.
İdman.Biz xəbər verir ki, bu sözləri futzal üzrə Azərbaycan millisinin baş məşqçisi Yevgeni Kukseviç jurnalistlərə açıqlamasında deyib.
O, yığmada perspektivli oyunçuların olduğunu bildirib:
“Hazırlığa ötən gündən start vermişik. Geniş heyətlə toplanış keçirik. Hər şey qaydasındadır. Yeni oyunçuların üzərində işləyib, onları beynəlxalq yarışlara hazırlaşdırmaq istəyirik. Məqsədimiz yaxşı komanda qurmaqdır”.
Hazırlıq prosesində 4-ü qapıçı olmaqla, ümumilikdə 19 futzalçı iştirak edir.
Yığma toplanış zamanı yanvarın 22-də və 24-də Bakı İdman Sarayında Danimarka yığması ilə yoldaşlıq oyunları keçirəcək.
