Pep Qvardiola hələ ki, almaniyalı məşqçi Fabian Hürzelerə qalib gələ bilmir.
İdman.biz xəbər verir ki, ispaniyalı mütəxəssisin rəhbərliyi altında "Mançester Siti" İngiltərə Premyer Liqasının 3-cü turunda "Brayton"a 1:2 hesabı ilə uduzub.
Hürzelerin komandası bu il "şəhərlilər"lə bir dəfə heç-heçə oynayıb, 2024-cü ildə isə qalib gəliblər.
Beləliklə, Hürzeler və futbolçuları Qvardiolanın komandasına qarşı keçirdikləri üç oyunun heç birində uduzmayıblar. O, bununla Ronald Kumanın ("Everton"da işlədiyi dövrdə iki heç-heçə və bir qələbə) və Roberto Di Matteonun ("Şalke" və "Çelsi" ilə iki heç-heçə və bir qələbə) uğurunu təkrarlayıb.
İdman.biz
