Ukraynalı cüdoçu, gözəlliyi ilə həmişə diqqətləri cəlb edən Darya Bilodid peşəkar futbolda debüt edib.
İdman.biz xəbər verir ki, 24 yaşlı idmançı qadınlardan ibarət “Metalist 1925” futbol klubunun heyətində Ukrayna çempionatında “Ladomir”lə oyunun (6:0) 88-ci dəqiqəsində meydana çıxıb.
O, 2024-cü ilin oktyabrında Bilodid “Metalist 1925”in səfiri təyin olub. Bu ilin martında isə cüdo üzrə dünya və Avropa çempionu Xarkov klubu ilə futbolçu kimi müqavilə imzalayıb. Ona 77 nömrəli forma verilib.
Qeyd edək ki, Bilodid oyundan sonra cüdo karyerasını bitirmədiyini açıqlayıb. Amma Olimpiya Oyunlarının bürünc mükafatçısı gələn həftə keçiriləcək Avropa çempionatını buraxacaq.
İdman.biz
