“Liverpul”un məğlubiyyətsiz oyunlar seriyası 23-ə çatıb.
İdman.biz xəbər verir ki, Mersisayd təmsilçisi Premyer Liqanın XIX turunda “Vest Hem”lə görüşüb.
Arne Slotun yetirmələri səfərdə 5 cavabsız qolla qalib gəlib. Bu, “Liverpul”un bütün turnirlər nəzərə alınmaqla uduzmadığı ardıcıl 23-cü matç olub.
Bu müddətdə 20 qələbə qazanan komanda 3 heç-heçə edib. “Liverpul”un son məğlubiyyəti sentyabrın 14-də “Nottinhem Forest”lə görüşdə qeydə alınıb – 0:1.
Qeyd edək ki, 18 oyunda 45 xal toplayan Slotun komandası Premyer Liqanın lideridir.
İdman.biz
