İngiltərənin “Nottingem Forest” futbol komandası müdafiə xəttini yeni oyunçu ilə gücləndirib.
İdman.Biz xəbər verir ki, Premyer Liqa təmsilçisi Portuqaliyanın “Sportinq” komandasından Usman Diomandeni transfer edib. 22 yaşlı Kot-d’İvuar millisinin müdafiəçisinin keçidi rəsmiləşib.
“Nottingem Forest” bu transfer üçün “Sportinq”ə 40 milyon avro (79,6 milyon AZN) ödəyəcək. Diomande yeni komandası ilə 2030-cu ilin iyununa qədər nəzərdə tutulan müqavilə imzalayıb. Sazişin müddətinin daha bir il - 2031-ci ilin yayına qədər uzadılması üçün seçim hüququ da var.
Diomande 2023-cü ildən “Sportinq”in formasını geyinirdi.
