Kubanının Matansas şəhərində üçüncü dünya çempionu Xose Raul Kapablankanın xatirəsinə həsr olunmuş 58-ci Memorial turniri davam edir.
İdman.biz xəbər verir ki, Azərbaycan qrossmeysteri Azər Mirzoyev liderlər qrupunda yer almaqdadır.
O, altıncı turda yerli şahmatçı Luis Lazaro ilə heç-heçə edib, xallarını 5-ə yüksəldib və ilk yerlər uğrunda mübarizəsini davam etdirir. Eyni xala malik daha altı şahmatçı var və əlavə göstəricilərə əsasən, Mirzoyev ikinci pillədə qərarlaşıb.
Turnirdə ümumilikdə 119 şahmatçı iştirak edir.
İdman.biz
