Norveçli qrossmeyster Maqnus Karlsen Dohada (Qətər) keçirilən rapid üzrə şahmat üzrə dünya çempionatının qalibi olub.
İdman.Biz xəbər verir ki, Karlsen 13 turdan sonra 10,5 xal toplayaraq turniri birinci pillədə başa vurub.
Bu qələbə Karlsen üçün rapid və blits üzrə dünya çempionatları tarixində altıncı titul olub. O, daha əvvəl 2014, 2015, 2019, 2022 və 2023-cü illərdə bu turnirlərdə qalib gəlmişdi.
Qeyd edək ki, Doha rapid üzrə dünya çempionatına ilk dəfə ev sahibliyi etmir. Şəhər 2016-cı ildə də bu yarışı qəbul etmişdi. Həmin il rapid üzrə birinciliyi ukraynalı Vasili İvançuk qazanmış, blits üzrə rusiyalı Sergey Karyakin ən yaxşı olmuş, qadınlar arasında isə ukraynalı Anna Muziçuk hər iki formatda qalib gəlmişdi.
