“İlk söhbətimizdə istəyinin avrokubok olduğunu bildirdi”.
Bunu “İdman Bizdə” verilişinin qonağı olan “Neftçi” basketbol klubunun baş məşqçisi Anar Sarıyev deyib.
Mütəxəssis klubun prezidenti Sadıq Sadıqovun istəyini açıqlayıb: “Dedi ki, həm kubokda, həm də çempionatda qalibiyyətə görə bizə mükafat verəcək. O gündən sonra bu söhbəti heç etməmişik. Kuboku qazandıqdan sonra Sadıqov mənə yaxınlaşdı və dedi ki, sözüm söz kimi qalır”.
O bildirib ki, avrokuboklara vəsiqə qazancaqları halda bu postdan göndərilməsi belə fərq etmir: “Əsas “Neftçi”nin gələn mövsüm avroliqada çıxış etməsidir. Azərbaycan klublarının avrokuboklarda çox olması xoşdur. Klubun baş məşqçisi mən, yaxud başqasının olması da fərq etmir. Təbii ki, bu heyətlə çıxış etmək çətin olar. Amma bu barədə danışmaq da tezdir”.
Qeyd edək ki, “Neftçi” ABL-nın pley-off mərhələsində “Xırdalan”la üz-üzə gələcək.
Emin Ağa
İdman.biz
