Milli Basketbol Assosiasiyasının (NBA) əfsanəvi oyunçusu və hazırda tanınmış ekspert, analitik və televiziya aparıcısı Şakil O'Nil TNT-də yayımlanan veriliş zamanı nəhəng ekranı sındırıb.
İdman.Biz bildirir ki, Şakil qaçaraq səhnədəki nəhəng ekrana başı ilə dəyib və onu sındıraraq xidməti otağa yıxılıb.
Xatırladaq ki, Şakil dördqat NBA çempionudur. O, 15 dəfə “Bütün ulduzların matçı”nda iştirak edib. ABŞ komandasının üzvü kimi O'Nil dünya çempionluğunu və Olimpiya qızıl medalını qazanıb.
