Almaniyanın Reyn-Ruhr regionunda keçirilən 32-ci Ümumdünya Yay Universiadasında badminton üzrə Azərbaycan milli komandası bu gün ikinci oyununu keçirib.
İdman.biz-in Almaniyaya ezam olunan əməkdaşı xəbər verir ki, B qrupunda yer alan yığmamız Avstraliya ilə qarşılaşıb.
Aqil Qəbilov, Həcər Nuriyeva, Nigar Səmədova və Murad Şabanzadənin yer aldığı kollektiv qarışıq komanda yarışlarında növbəti dəfə uduzub. İlk görüşdə Tailanda 0:5 hesabı ilə məğlub olan yığmamız bu dəfə də xalsız qalıb.
***
13:09
Almaniyanın Reyn-Ruhr regionunda keçirilən 32-ci Ümumdünya Yay Universiadasında badminton üzrə komandalararası yarışa start verilib.
İdman.biz-in Almaniyaya ezam olunan əməkdaşı xəbər verir ki, B qrupunda yer alan Azərbaycan milli komandası ilk görüşündə Tailand yığması ilə qarşılaşıb.
Aqil Qəbilov, Həcər Nuriyeva, Nigar Səmədova və Murad Şabanzadənin yer aldığı kollektiv şəxsi, qoşa və qarışıq qoşa kateqoriyalarında 0:5 hesabı uduzub.
İdman.biz
