“Zirə” Namik Ələskərovun komandadan ayrıldığını açıqlayıb.
İdman.Biz xəbər verir ki, klub 31 yaşlı futbolçu ilə müqaviləyə qarşılıqlı razılaşma əsasında xitam verib.
Ələskərov “Zirə”yə 2025-ci ilin avqustunda qoşulub. Onun klubla müqaviləsi əvvəlcə 2027-ci ilin yayına qədər idi.
Qeyd edək ki, Namik Ələskərov karyerası ərzində “Bakı”, “Qarabağ”, “Kəpəz”, “Neftçi”, “Bursaspor” və “Sabah” kimi komandalarda da çıxış edib. O, Azərbaycan millisinin heyətində 39 oyun keçirib.
