Azərbaycanın minifutbol üzrə milli komandasının baş məşqçisi Elşad Quliyevun İdman.biz saytına müsahibəsi
- Yığma dünya çempionatının 4-cü yerdə başa vurdu. Komandanın çıxışını necə dəyərləndirirsiz?
- Dünya çempionatında ilk iştirakımız idi. Bu baxımdan çıxışımızı uğurlu saymaq olar.
- Onda Avropa çempionluğundan sonra bu nəticəni uğurlu saymaq olarmı?
- Biz əslində final oynamaq istəyirdik. Məqsədimiz də bu idi. Ancaq alınmadı. Fikrimcə, ilk çempionat üçün yaxşı nəticədir.
- Yarımfinalda Qazaxıstan ilə oyuna qədər bütün rəqibləri məğlub etsəz də, davamını gətirə bilmədiz. Bunun səbəbləri nədir?
- Komanda olaraq daha da böyüməyimiz lazımdır. Bunun üçün də milli komandanın böyük yarışlarda daha çox iştirakı mütləqdir. Müxtəlif yarışlarda iştirak etdikcə təccrübəmiz daha da artacaq.
- Bürünc medal uğrunda Macarıstanla matçda sırf komandanın psixoloji məqamlara görə uduzduğunu deyə bilərik?
- Əslində biz finala köklənmişdik. Həlledici qarşılaşmaya yüksəlmədiyimiz üçün çox üzüldük. Qazaxıstan ilə oyunda məğlubiyyətdən sonra Macarıstan ilə matça köklənə bilmədik. Bu amil oyunumuza çox təsir etdi.
-Komandada ən çox oyunu ilə sizi sevindirən və ya əksinə məyus edən kim oldu?
- Bəzi epizodları çıxmaq şərti ilə futbolçulardan razı qaldım. Mənə elə gəlir ki, hər bir oyunçumuz özünü yaxşı tərəfdən göstərə bildi.
- Dünya çempionatında rəqiblərin millimizə münasibəti necə oldu?
- Heç bir komanda bizimlə oynamağı arzulamırdı. Bunun da səbəbi Azərbaycan millisinin dünya reytinqində ilk "beşlik"də yer alması idi. Bununla da fəxr etməmək lazımdır.
Emin Ağa
İdman.biz
