ABŞ-ın Nyu-Cersi ştatında yerləşən "MetLayf" stadionunda futbol üzrə klublararası dünya çempionatının final oyunu keçirilib.
İdman.biz xəbər verir ki, İngiltərənin “Çelsi” komandası həlledici qarşılaşmada Fransa təmsilçisi PSJ-yə böyük hesabla qalib gəlib - 3:0.
Hər üç qol ilk hissədə vurulub: Koul Palmer dubl edib və bir məhsuldar ötürmə verib - nəticədə o, matçın ən yaxşı oyunçusu seçilib. Daha bir qolu Joao Pedro vurub. PSJ 85-ci dəqiqədə azlıqda qalıb: Joao Neveş qırmızı vərəqə alıb. Oyundan sonra da komandaların üzvləri arasında insident yaşanıb.
Qeyd edək ki, PSJ 2024/25-ci illər mövsümündə UEFA Çempionlar Liqasının, "Çelsi" isə Konfrans Liqasının qalibi olub. London klubu daha əvvəl 2021-ci ildə klublar arasında dünya çempionluğunu qazanıb.
Klublararası dünya çempionatı 2025
Final
13 iyul
23:00. "Çelsi" - PSJ 3:0
İdman.biz
