Konfrans Liqasında mübarizə aparan “Sabah” bu gün “Sent Patriks”in qonağı olacaq.
İdman.biz xəbər verir ki, bu, Azərbaycan və İrlandiya klubları arasında 2-ci duelin ilk matçıdır.
İndiyədək iki ölkə təmsilçiləri yalnız bir dəfə üz-üzə gəlib. Yeganə duel 5 il əvvəl baş tutub.
2019/20 mövsümünün Çempionlar Liqasında “Qarabağ” “Dandolk”u sınağa çəkib. II təsnifat mərhələsinin İrlandiyadakı ilk görüşündə heç-heçə qeydə alınıb – 1:1.
“Qarabağ” cütün taleyini Bakıda həll edib. Təmsilçimiz rəqibini darmadağınla keçib - 3:0.
Qeyd edək ki, “Sent Patriks” – “Sabah” görüşü Bakı vaxtı ilə saat 22:45-də başlayacaq.
Vüqar Xeyrullayev
İdman.biz
