“Bolonya” və Kolumbiya millisinin mərkəz müdafiəçisi Con Lukumi karyerasını İtaliyanın “Yuventus” klubunda davam etdirəcək.
İdman.Biz klubun mətbuat xidmətinnə istinadən xəbər verir ki, 28 yaşlı futbolçu Turin klubu ilə 2030-cu ilə qədər müqavilə imzalayıb.
Daha əvvəl mətbuatda yayılan məlumatlara görə, Lukuminin transferi bonuslar nəzərə alınmaqla “Yuventus”a 20 milyon avroya başa gələcək.
Lukumi 2022-ci ildən “Bolonya”nın formasını geyinirdi.
O, ötən mövsüm klubun heyətində bütün turnirlərdə 43 matçda meydana çıxıb, bir qol vurub və bir məhsuldar ötürmə ilə yadda qalıb.
Lukumi DÇ-2026-da Kolumbiya millisinin keçirdiyi beş oyunun hamısında tam iştirak edib.
