Nicat hindistanlı şahmatçıya uduzub

Xəbərlər
10 Aprel 2024 03:01
177
Nicat hindistanlı şahmatçıya uduzub

Bu gün şahmat üzrə İddiaçılar Turnirində V turun oyunları keçirilib.

İdman.biz xəbər verir ki, Kanadanın Toronto şəhərində təşkil olunan turnirdə mübarizə aparan Azərbaycan şahmatçısı Nicat Abasov Dommaradju Qukeşlə qarşılaşıb.

Təmsilçimiz hindistanlı rəqibinə qarşı qara fiqurlarla oynayıb. Nicat Qukeşə uduzub. Bu, onun turnirdə 2-ci məğlubiyyəti olub.

İddiaçılar Turniri
V tur, 9 aprel

Alireza Firuzya – Hikaru Nakamura - 0:1
Dommaradju Qukeş – Nicat Abasov - 0:1
Vidit Santoş Qujrati – Fabiano Karuana - 0,5:0,5
Rameşbabu Praqnanandja – Yan Nepomnyaşi - 0,5:0,5

Xal durumu: 1-2. Dommaradju Qukeş (Hindistan), Yan Nepomnyaşi (FİDE) - 3,5, 3. Fabiano Karuana (ABŞ) – 3, 4. Rameşbabu Praqnanandja (Hindistan) – 2,5, 5. Hikaru Nakamura (ABŞ) – 2,5, 6. Vidit Santoş Qujrati (Hindistan) – 2, 7. Nicat Abasov (Azərbaycan), 1,5, 8. Alireza Firuzya (Fransa) – 1,5.

Qeyd edək ki, Abasov VI turda Rameşbabu Praqnanandja ilə üz-üzə gələcək. Təmsilçimiz yenə qara fiqurlarla oynayacaq.

İdman.biz

Məqalədə: