Özbəkistanda 46-cı Ümumdünya Şahmat Olimpiadası yarışları davam edir.
İdman.Biz xəbər verir ki, açıq bölmədə Birləşmiş Ərəb Əmirliklərinin nümayəndəsi, Ərəb Şahmat Federasiyasının prezidenti və Şarja İdman Şurasının sədri Şeyx Xalid bin Humaid əl-Qasimi Ermənistanla görüşdə ilk lövhədə ağ fiqurlarla çıxış edib. Onun Şarja İdman Şurasının sədri olduğu rəsmi mənbələrdə də təsdiqlənir.
Digər BƏƏ təmsilçisi Hüseyn Abdullah əl-Xuri isə Özbəkistanla qarşılaşmada ilk lövhədə qara fiqurlarla mübarizə aparıb. O, Əbu-Dabi Şahmat və Zehni Oyunlar Klubunun İdarə Heyətinin sədridir. Əbu-Dabinin 2028-ci ildə 47-ci Ümumdünya Şahmat Olimpiadasına ev sahibliyi etməsi ilə bağlı prosesdə də əl-Xurinin təşkilatçı tərəf kimi iştirakı olub.
Özbəkistanın qadınlardan ibarət komandasının ilk lövhəsində isə “Afruza” Şahmat Klubunun direktoru Əkbər Xakimov yer alıb.
Qeyd edək ki, 46-cı Ümumdünya Şahmat Olimpiadası Səmərqənddə keçirilir. Yarışda açıq və qadınlar bölməsində dünyanın müxtəlif ölkələrindən komandalar mübarizə aparırlar.
Araz Xəlilli
