Badminton üzrə Avropa çempionatının təsnifat mərhələsinin ilk günü başa çatıb.
İdman.biz xəbər verir ki, Abşeron Olimpiya İdman Kompleksində keçirilən turnirin ilk oyununda Slovakiya və Estoniya komandaları qarşılaşıb.
Oyun estonların 5:0 hesablı qələbəsi ilə başa çatıb.
İlk oyun gününün ikinci qarşılaşması heyətində yeniyetmə badmintonçulardan yeni formalaşan Azərbaycanla təcrübəli Şotlandiya yığması arasında keçirilib. Oyun rəqibin 5:0 hesablı qələbəsi ilə başa çatıb.
Qeyd edək ki, komandamızın heyətində Keişa Fatimə Zəhra, Leyla Camalzadə, Aysu Kərimzadə, Era Maftuha və Həcər Nuriyeva yer alıb.
İdman.biz
