Serbiyanın Novi Sad şəhərində U23 dünya çempionatı davam edir.
59 kq-da ölkəmizi təmsil edən Günay Qurbanova italiyalı Aurora Russoya “tuş”la qalib gələrək U-23 dünya çempionatında bürünc medal qazanıb.
20:29
Serbiyanın Novi Sad şəhərində U23 dünya çempionatı davam edir.
İdman.Biz bildirir ki, bu gün sərbəst güləş üzrə milli komandalarımızın üzvləri xalçaya çıxıb.
70 kq-də çıxış edən Kənan Heybətov kanadalı Koul Koqhilə tam üstünlüklə (10:0) qalib gələrək 1/4 finala yüksəlib.
1/4 finalda Heybətov ermənistanlı Davit Marqaryana “tuş”la qalib gələrək yarımfinala çıxıb.
Yarımfinal görüşündə isə güləşçimiz amerikalı Piter Dükə tam üstünlüklə (14:4) qalib gələrək U23 dünya çempionatının finalına yüksəlib.
125 kq-də güləşən idmançımız Xetaq Karsanov ilk olaraq belaruslu Pavel Cyatlava (UWW) tam üstünlüklə (12:2) qalib gələrək 1/4 finala yüksəldi.
Karsanov ¼ finalda türkiyəli Hakan Büyükçınqıla 7:5 hesabıyla qalib gələrək yarımfinala çıxıb.
Yarımfinalda idmançımız amerikalı Daniel Herreraya tam üstünlüklə (12:2) qalib gələrək U23 dünya çempionatının finalına vəsiqə qazanıb.
