Türkiyə Superliqasında növbəti baş məşqçi istefası reallaşıb.
İdman.biz xəbər verir ki, "Alanyaspor" Sami Uğurlu ilə yollarını ayırıb.
O, komandaya 16 oyunda rəhbərlik edib. Bu görüşlərdə "Alanyaspor" 6 qələbə qazanıb, 3 dəfə heç-heçə oynayıb, 7 dəfə uduzub. Son 3 qarşılaşmada məğlub olan alaniyalılar 31 xalla 14-cü pillədə qərarlaşıblar.
Qeyd edək ki, artıq "Alanyaspor"a başçılıq edəcək mütəxəssisin adı açıqlanıb. Komandaya portuqaliyalı Joao Pereyranın rəhbərlik edəcəyi bildirilib.
İdman.biz
