Almaniya futbol Bundesliqasının altıncı turunda “Ayntraxt” doğma meydanda “Köln”ü 1:0 hesabı ilə məğlub edib.
İdman.Biz xəbər verir ki, “Frankfurt Arena”da keçirilən qarşılaşmanın taleyini bir qol həll edib.
Meydan sahiblərinə qələbə qazandıran yeganə qolu 77-ci dəqiqədə Yunus Ebnutalib vurub.
Bu nəticədən sonra “Ayntraxt” səkkiz xalla turnir cədvəlinin səkkizinci pilləsində qərarlaşıb. Yeddi xalı olan “Köln” isə 11-ci yerdədir.
Növbəti turda “Ayntraxt” oktyabrın 24-də səfərdə Dortmund “Borussiya”sı ilə qarşılaşacaq. “Köln” isə həmin gün öz meydanında “Şalke-04”ü qəbul edəcək.
