“Barselona”nın prezidenti Joan Laporta La Liqada oktyabrın 25-də keçiriləcək “El Klassiko” öncəsi komandanın hücumçusu Rafinya və “Real Madrid”in futbolçusu Kilian Mbappenin zədələri barədə danışıb.
İdman.Biz xəbər verir ki, Laporta sosial şəbəkə hesabında futbolçuların zədələnməsindən təəssüfləndiyini bildirib.
“Əfsuslar olsun ki, “Barsa”da biz artıq Erik Qarsiyanın durumunda olduğu kimi, əvvəlcə əhəmiyyətsiz görünən zədə ilə qarşılaşmışıq. Mənə məlumat verildi ki, Rafinya Braziliya millisinin heyətində müəyyən diskomfort hiss etdiyi üçün əvəzlənməli olub.
Görək zədənin dərəcəsi nə qədər ciddidir. Tezliklə baş tutacaq “El Klassiko”ya qədər o, bizə tam hazır vəziyyətdə lazımdır. Oxşar hadisə Madrid “Real”ında Mbappe ilə də baş verdi. İndi, görünür, eyni şey Rafinya ilə də yaşandı.
Mbappenin durumuna gəlincə, hər birimiz müəyyən məqamda müəyyən fikirlərə düşə bilərik, lakin həqiqət budur ki, məndə medianın dərc etdiyi məlumatlardan artıq informasiya yoxdur”, - deyə Laporta bildirib.
Hər iki futbolçu milli komandalarının heyətində çıxış edərkən zədələnib.
Qeyd edək ki, “Barselona” – “Real Madrid” qarşılaşması oktyabrın 25-də keçiriləcək.
