“Deportivo” futbol klubunun yeni transferi Adama Traorenin təqdimatında ilginc anlar yaşanıb.
İdman.Biz xəbər verir ki, avqustun sonunda La-Korunya təmsilçisinə azad agent kimi keçən 30 yaşlı vinger təqdimat mərasimində çıxışı ilə diqqət çəkib. O, 1 dəqiqə 51 saniyə ərzində “qısası” sözünü 85 dəfə təkrarlayıb.
Adama Traore çıxışı zamanı “Deportivo”ya keçidində klubun layihəsinin və Pyer-Emerik Obameyanqın tövsiyələrinin mühüm rol oynadığını bildirib.
Bununla yanaşı, “Barselona”nın keçmiş futbolçusunun nəzərəçarpacaq dərəcədə dəyişən saç düzümü sosial şəbəkə istifadəçilərinin diqqətini çəkib.
