“Trabzonspor” hücum xəttini “Midtjulland”ın 22 yaşlı futbolçusu Frankulino Dju ilə gücləndirib.
İdman.Biz xəbər verir ki, bu barədə Trabzon təmsilçisi məlumat yayıb.
Razılaşmaya əsasən, "bordo-mavililər" 22 yaşlı hücumçu üçün “Midtyulland”a 17 milyon avro (34 milyon manat) ödəyəcək. Həmçinin, futbolçunun başqa kluba transferi zamanı əldə olunacaq qazancın 15 faizinin Danimarka təmsilçisinə ödənilməsi də nəzərdə tutulub.
Forvardla 4+1 illik müqavilə imzalayıb. Futbolçunun illik maaşı 2 milyon 125 min avro olacaq.
28 iyun 2004-cü ildə Qvineya-Bisauda anadan olan Dju hücumun mərkəzində çıxış edir. O, futbola Portuqaliyanın “Benfika” klubunun akademiyasında başlayıb və 2023-cü ilin yayında “Midtjulland”a keçib.
1,86 metr boya malik solayaqlı futbolçu ölkəsində millinin də üzvüdür.
