"Alaves" İspaniya La Liqasının 3-cü turunun matçında "Vilyarreal" üzərində minimal hesablı qələbə qazanıb.
İdman.Biz xəbər verir ki, qarşılaşma ev sahiblərinin 1:0 hesablı üstünlüyü ilə başa çatıb.
Yeganə qol 31-ci dəqiqədə vurulub. Anhel Peresin ötürməsindən sonra Lukas Boye fərqlənib.
Bundan sonra "Vilyarreal" hesabı bərabərləşdirməyə çalışsa da, ev sahibləri qapısını toxunulmaz saxlayaraq görüşü qələbə ilə başa vura biliblər.
"Alaves" 3 turdan sonra 7 xal toplayıb. 2 xalı olan "Vilyarreal" isə La Liqanın yeni mövsümündə hələ ki qələbəyə həsrətdir.
23:08
İspaniya La Liqasında üçüncü turun ilk qarşılaşması keçirilib.
İdman.Biz xəbər verir ki, turun ilk oyununda “Rasinq Santander” doğma meydanda “Elçe” ilə üz-üzə gəlib.
Görüş meydan sahiblərinin 3:2 hesablı qələbəsi ilə başa çatıb.
“Rasinq” ilk hissədə rəqib qapısına üç dəfə yol tapıb. Yassir Zabiri 15, 21 və 36-cı dəqiqədə fərqlənib.
“Elçe” 78-ci dəqiqədə Buba Sanqarenin qolu ilə fərqi azaldıb. Cəmi bir dəqiqə sonra Fernando Nino daha bir qol vuraraq hesabı 2:3-ə gətirib.
Lakin qalan dəqiqələrdə başqa qol olmayıb və “Rasinq Santander” 3:2 hesablı qələbə qazanıb.
Bu nəticədən sonra Santander klubu 3 oyundan 4 xal toplayaraq turnir cədvəlində 8-ci sıraya yerləşib. “Elçe” isə 1 xalla 18-ci pillədə qərarlaşıb.
