Bu günə qədər “Barselona” və “İnter” arasında Alessandro Bastoni ilə bağlı heç bir danışıqlar aparılmayıb.
İdman.Biz bildirir ki, bu barədə insayder Fabrizio Romano məlumat yayıb.
Romanonun fikrincə, istənilən halda onun transferi üçün 50 milyon avro kifayət etməyəcək.
Daha əvvəl bildirilirdi ki, “Barselona” 55-60 milyon avroya Bastonini almaq fikrindədir.
Bu mövsüm Bastoni bütün yarışlarda 35 oyunda meydana çıxıb, iki qol vurub və altı məhsuldar ötürmə edib. Onun klubla hazırkı müqaviləsi 2028-ci ilin yayına qədərdir. Transfermarkt-dakı məlumata görə, onun bazar dəyəri 70 milyon avrodur.
