“Liverpul” Vyananın “Austriya” klubunun müdafiəçisi İfeanyi Ndukve ilə müqavilə imzalamaq üçün prinsipial razılığa gəlib.
İdman.Biz-in xəbərinə görə, 17 yaşlı futbolçu 18 yaşına çatdıqdan sonra bu yay İngiltərə klubuna qoşulacaq.
Vyana klubunun rəsmi saytı bildirib ki, Ndukvenin “Liverpul”la 2030-cu ilə qədər müqavilə imzalaması gözlənilir.
İfeanyi Ndukve Vyanada qarışıq ailədə anadan olub: anası rus, atası isə nigeriyalıdır. Vyana “Austriya”sının yetirməsi olan Ndukve ötən yay klubla 2028-ci ilə qədər müqavilə imzalayıb. O, Avstriyanın 17 yaşadək futbolçulardan ibarət milli komandasında 15 oyun keçirib və bir qol vurub.
Transfermarkt-a görə, onun hazırkı bazar dəyəri 1 milyon avrodur.
