“Real Madrid”in və Mərakeş millisinin yarımmüdafiəçisi Brahim Dias Afrika Millətlər Kubokunun finalında Seneqalın qapısına (0:0, 0:1 əlavə vaxt) penalti vura bilmədikdən sonra status paylaşıb.
İdman.Biz bildirir ki, 90+24-cü dəqiqəsində Brahimin vurduğu penalti zərbəsini Seneqalın qapıçısı Eduard Mendi dəf edib. Zərbə penalti ətrafında uzun müzakirələrdən sonra baş verib.
“Ürəyim ağrıyır. Mənə verdiyiniz bütün sevgi, hər mesajla, tək olmadığımı hiss etdirən hər dəstək sayəsində bu titulu arzulayırdım. Bütün qəlbimlə mübarizə apardım.
Dünən uğursuzluğa düçar oldum və bütün məsuliyyəti öz üzərimə götürürəm və səmimi qəlbdən üzr istəyirəm.
Bu yaranın sağalmağı çətin olacaq, amma çalışacağam. Özüm üçün yox, mənə inanan hər kəs və yanımda əziyyət çəkən hər kəs üçün.
Bütün bu sevgini sizə qaytara və Mərakeş xalqımın qüruru ola biləcək bir günə qədər irəliləyəcəyəm”, - Brahim sosial mediada yazıb.
