Türkiyənin “Beşiktaş” klubu amerikalı yarımmüdafiəçi Veston Makkenni ilə bağlı “Yuventus”la danışıqlar aparmaq niyyətindədir.
İdman.Biz bildirir ki, jurnalist Ekrem Konur bu barədə yazıb.
Məlumata görə, İstanbul komandası 27 yaşlı futbolçu üçün rəsmi təklif hazırlayır.
“Beşiktaş” Makkennini almaq hüququ ilə icarəyə götürməyi planlaşdırır. “Yuventus” ən azı 15 milyon avro və əlavə transfer haqqı tələb edir. Bu arada, “Roma”, “Milan” və “Fənərbağça” kimi digər klublar da amerikalı futbolçunun vəziyyətini izləyir. Lakin “Beşiktaş” Makkenniyə transfer yarışında əsas rol oynaya biləcək əlverişli maliyyə şərtləri təklif etməyə hazırdır.
Əgər “Beşiktaş” bu mərhələdə "Yuventus"la razılığa gələ bilməsə, yayda Makkenni azad agent olduqda daha bir cəhd göstərməsi gözlənilir. Bu mövsüm yarımmüdafiəçi Turin klubunda 26 oyunda meydana çıxıb, dörd qol vurub və dörd məhsuldar ötürmə edib. Transfermarkt-ın məlumatına görə, Vestonun “Yuventus”la müqaviləsi 2026-cı ilin yayına qədərdir və onun bazar dəyəri 22 milyon avrodur.
