OptaJoe statistika portalına görə, “Liverpul”un macar yarımmüdafiəçisi Dominik Soboslai komandanın uzaq məsafəli qollarına liderlik edir.
İdman.Biz xəbər verir ki, son üç mövsümdə 25 yaşlı futbolçu cərimə meydançasının xaricindən səkkiz qol vurub ki, bu da klubun eyni dövrdəki digər oyunçularından iki dəfə çoxdur.
Bu mövsüm Soboslai bütün yarışlarda 28 oyunda meydana çıxıb, altı qol vurub və beş məhsuldar ötürmə edib.
Transfermarkt-a görə, onun dəyəri 85 milyon avrodur. Premyer Liqadakı 21 oyundan sonra “Liverpul” 35 xalla turnir cədvəlində dördüncü yerdədir.
