“Mançester Yunayted” müvəqqəti baş məşqçi təyinatı ilə bağlı Ole Qunnar Solskyaer ilə 10 yanvar şənbə günü danışıqlar aparacaq.
İdman.Biz bildirir ki, bu barədə jurnalist Ben Ceykobs sosial media səhifəsində məlumat verib.
Solskyaerin artıq rəhbərliklə məsafədən danışıqlar apardığı bildirilir, lakin “Mançester Yunayted” rəsmi şəxsən görüşdə israr edir.
Komandanın yeni baş məşqçi vəzifəsi üçün Mayk Kerrik də nəzərdən keçirilir və görüş 8 yanvar cümə axşamı günü keçiriləcək.
Solskyaer 2018-ci ildən 2021-ci ilə qədər “qırmızı şeytanlar”ı çalışdırıb. 5 yanvarda “Mançester Yunayted” Ruben Amorimin baş məşqçi vəzifəsindən getdiyini elan etdi. Portuqaliyalı məşqçi 11 noyabr 2024-cü ildən 5 yanvar 2026-cı ilə qədər kluba rəhbərlik edib.
