“Barselona” və “Atletiko Madrid” “Bornmut”un 28 yaşlı mərkəz müdafiəçisi Markos Senesi ilə maraqlanır.
İdman.Biz-in məlumatına görə, bu barədə “TEAMtalk” xəbər verib.
Mənbənin məlumatına görə, iki klub artıq “albalılar”la müqaviləsi bu yay başa çatan argentinalı oyunçunun potensial transferini müzakirə edib. “Bornmut” cari mövsümün sonunda Senesinin başqa kluba transferini qəbul edib, çünki o, bir neçə dəfə müqavilənin uzadılması təklifini rədd edib.
Bu mövsüm müdafiəçi bütün yarışlarda 17 oyunda meydana çıxıb və üç məhsuldar ötürmə edib. Transfermarkt portalındakı məlumata görə, onun bazar dəyəri 22 milyon avrodur.
