“Spartak Moskva”nın keçmiş çalışdırıcısı Deyan Stankoviç Serbiyanın “Srvena Zvezda” klubunun baş məşqçisi təyin edilib.
İdman.Biz-in xəbərinə görə, Serbiya klubunun mətbuat xidməti bu barədə rəsmi olaraq məlumat verib.
Klubun keçmiş baş məşqçisi Vladan Miloyeviç dünən qovulub.
Deyan Stankoviç “Spartak”a 2024-cü ilin iyulundan 2025-ci ilin noyabrına qədər rəhbərlik edib.
“Srvena Zvezda” “İnter”in eks-yarımmüdafiəçisinin məşqçi kimi ilk klubu olub. O, komandada 2019-cu ilin dekabrından 2022-ci ilin avqustuna qədər çalışıb. Bu müddət ərzində klub üç Serbiya çempionluğu və iki Serbiya kubokunu qazanıb.
