Türk əsilli almaniyalı Nuri Şahin Moskva “Dinamo”sunun baş məşqçisi vəzifəsinə namizədlərdən biridir.
İdman.Biz bu barədə “Sport-Express”ə istinadən xəbər verir.
Dünən Valeri Karpin Moskva klubundan ayrıldığını açıqlayıb.
37 yaşlı Şahin sentyabr ayından bəri Türkiyənin “İstanbul Başakşehir” komandasına rəhbərlik edir. Almaniyalı məşqçi 2024-cü ilin iyulundan 2025-ci ilin yanvarına qədər “Borussiya Dortmund”da çalışıb.
“İstanbul Başakşehir” hazırda 12 oyundan sonra Türkiyə liqasında 12-ci yerdədir.
