Hücumçu Robert Levandovski gələn yay İspaniyanın “Barselona” klubundan ayrıla bilər.
İdman.Biz bu barədə “The Guardian”a istinadən bildirir.
Qəzetin məlumatına görə, Kataloniya klubu “Bavariya”nın hücumçusu Harri Keyni Polşa millisinin oyunçusunun yerinə prioritet namizəd kimi müəyyən edib.
“Blauqrana” ingilis futbolçunu hücum xəttini gücləndirmək üçün ideal seçim hesab edir. Mənbə bildirir ki, “Barselona” potensial olaraq bu yay Keynin 65 milyon avroluq transfer seçimini aktivləşdirməyə hazırdır.
32 yaşlı Keyn 2025/2026 mövsümündə güclü oyun nümayiş etdirib. O, 17 matçda 23 qol vurub və üç məhsuldar ötürmə edib. İngilis hücumçunun “Bavariya” ilə hazırkı müqaviləsi 2027-ci ilin ortalarına qədərdir.
