İtaliya millisinin keçmiş baş məşqçisi Roberto Donadoni Seriya B klubu “Spesia”nın çalışdırıcısı təyin edilib.
İdman.Biz-in xəbərinə görə, bu barədə İtaliya klubunun rəsmi saytında məlumat verilib.
Donadoninin yeni komandası ilə müqaviləsi 2026-cı ilin yayına qədərdir. “Spesia” hazırda Seriya B turnir cədvəlində 19-cu yerdədir. Klubun ən diqqətəlayiq nailiyyətlərindən biri 1943/1944 mövsümündə çempionluğu qazanması olub.
Donadoni əvvəllər “Cenoa”, “Livorno”, “Napoli”, “Kalyari”, “Parma”, “Bolonya” və digər klublarda çalışıb. O, həmçinin 2006-cı ildən 2008-ci ilə qədər İtaliya milli komandasında da çalışıb.
