“7 qat dünya rekordçusu idim. Bu gün iddia elədiyim daha 3 dünya rekorduna imza atdım”.
İdman.biz xəbər verir ki, bunu azərbaycanlı pəhləvan Vüsal Cavadov deyib.
Gənclər və İdman Nazirliyinin binasının qarşısında müxtəlif çətin hərəkətləri yerinə yetirən idmançı daha 3 rekordunu rəsmiləşdirib. O, bu uğurunun sirrini açıqlayıb: “Pəhləvan ailəsində doğulmuşam. 6 yaşımdan bu işlə məşğulam. Dünya rekordları vurmaq üçün gərək qeyri-adi, heç kəsin bacara bilməyəcəyi, cəhd etməyə çalışmadığı heyrətamiz hərəkətləri icra edəsən. Bizim Dünya Rekordları Federasiyasının Qafqaz nümayəndəliyi ilə danışığımız oldu. Qeyri-adi hərəkətləri ortaya qoymağa çalışdıq. Uğurlarımı aprel qəhrəmanları, aprel şəhidlərinə həsr edirəm”.
Qeyd edək ki, Cavadov zorxana idman növü üzrə 3 qat Avropa, 2 qat Dünya Kubokunun sahibi və dünya çempionudur.
Banuçiçək Hüseynli
İdman.biz
