Keçmiş UFC çempionu Həbib Nurməhəmmədov qardaşı Umar Nurməhəmmədova həsr olunmuş paylaşım edib.
İdman.Biz xəbər verir ki, Umar bu gün - avqustun 29-da UFC-nin Şanxay turnirində çinli Sonq Yadunla qarşılaşacaq. Onların döyüşü turnirin əsas qarşılaşması olacaq.
“Qardaş, həm həvəskar, həm də peşəkar səviyyədə bu idman növündə uzun yol keçmisən. Bunlardan döyüşdə istifadə et”, – deyə Həbib yazıb.
Qeyd edək ki, Umar Nurməhəmmədovun MMA-da 20 qələbəsi və bir məğlubiyyəti var. Həbib Nurməhəmmədovun qardaşı UFC-də son dörd döyüşünün hamısında hakimlərin yekdil qərarı ilə qalib gəlib.
Yadun 2013-cü ildən peşəkar səviyyədə çıxış edir və hesabında 34 döyüş var. Çindən olan döyüşçü UFC-də 12 qələbə, dörd məğlubiyyət və bir heç-heçə əldə edib. Yadun son illərdə Şon O'Melli, Petr Yan və Kori Sendhagenə uduzub.
