ABŞ-li MMA döyüşçüsü Maks Hollouey növbəti rəqibləri arasında Konor Makqreqor və Castin Getjinin adını çəkib.
İdman.Biz xəbər verir ki, Hollouey “MMA Fighting”ə açıqlamasında gələn il Makqreqorla yenidən üz-üzə gəlməyə hazır olduğunu bildirib.
“Konor hələ də mənə zəng edir, gələn il döyüşmək istəyir. Mən hazıram. Amma UFC-nin nə istədiyini bilmirəm. Əgər gələn il Konor olacaqsa, əladır”, - Hollouey deyib.
O, bununla yanaşı, titul döyüşünə də açıq olduğunu vurğulayıb:
“170 funt çəki dərəcəsində döyüşmüşəm və həmin divizionun çempionunun komandası dediklərimi heç bəyənmədi. 155 funt çəki dərəcəsinin çempionu ilə isə tarixçəm var. Onun da geri qayıtmaq istədiyini bilirəm. Əgər bu iki çəki dərəcəsindən birində titul döyüşü olacaqsa, məni dərhal siyahıya salın”.
Hollouey daha əvvəl Castin Getji ilə də qarşılaşıb. Buna görə ABŞ-li döyüşçü yüngül çəkidə mümkün titul döyüşünü də real variantlardan biri hesab edir.
Qeyd edək ki, Hollouey Makqreqorla yenidən döyüşmək ehtimalını da istisna etməyib və belə bir təklif olacağı halda müqaviləni imzalamağa hazır olduğunu bildirib.
